السلام عليكم ورحمة الله وبركاته
كيف الحال ؟
المهم ماطول عليكم
كان عندنا جيران سواريا وعندهم بنت اسمها سميره وسميره انا احبها وعندها اخو اسمه رامي اعوذ بالله مادانيه واخاف اني اقول لسميره اني احبها ويدري اخوها وابتلش
وقمت افكر وشلون اقولها اني احبها
بعدين قلت بشوت الكوره واسطحها في بيتهم وتفتحلي سميره واقولها
بعدين شت الكوره ورحت اطق الجرس وتطلعلي اختها الي اصغر منها اسمها رؤى
وقالت ميدي ثو بدك
قلت وين اختك سميره
قالت ثو بدك فيها
قلت وينها واعقبي قالت لحظه
فلت اذلفي في الي مايحفظك
وبعدين قبل ماتروووح قال ميدها رامي الله لا يحفظه
من عل الباب
قالت هذا وحيد القويعيه يبغى اختي
قال شو
قلت انا ياوالله الي رحت فيها
بعدين قلت لا ابي كورتي مسطحه عندكم
وتجي رؤى الملقوفه
وتقول ثو انت قلت انك تبي اختي
قلت يابنت الحلال اعقبي عني
لا ابي كوتي بس
وعطوني كورتي ورحت البيت
وقلت هذي اول خطه ولا نجحت
وافكر واقول خلني اطل عليها من السطح واقولها
واروح اطل من السطح والقاها تلعب مع اختها
وتظيع اعلومي واقعد اطالعها
وترقى علي امي وتمسكني وتسدحني
وتقول وش كنت تسوي قلت بس اناظر حارتنا
وقالت طيب يلا انزل
واروح وافكر مره ثانيه
واقول ابرسل رساله لها
واكتب الرساله واقول في الرساله
الى من اخفيت حبها في قلبي وابتلشت من حبها مع اهلها واهلي
اما بعد
وش رايكم رومنسي
واقول
حبيبتي سميره لقد عشت المخاطر لاعلمك حبي ولم انجح في تبليغك
وشقيت وتعبت ولكن الان آنت الي الفرصه ان اعلمكي
اني احبك ولن استطيع ان اخفي حبك اكثر من هذا الحد
ارجوكي اريدكي انت تكتمين هذا سر بيننا
ومع تحياتي وحيد القويعيه
واحطها في ظرف واروح لبيتهم
واطق الجرس
وتطلع لي سميره
واقول دامها طلعت لي معاد اهنا لزمه للرساله واقول ميدها
سميره قالت
لك شو وحيد
قلت شو الله عدوتس يا بعد حيي
قالت تسلملي وحيد
قلت سميره انا ابغى اقولك شي وابي الصراحه منك قالت
شو وحيد من عيوووني
قلت يسلم قلبك
بعدين قلت سميره انا احبتس اموت فيتس اعشقتس
قالت سميره يؤ يؤ
عن جد بتتكلم
قلت ايه يا سميره بس اللهم الي انا اخايف منه اني اخوتس ذا العير التسبير
قالت تابر البك
بعدين قالت طيب
شوف وحيد
قلت يالبي قليبك
قالت انا بعد بحبك بس ابي منك طلب
قلت امري تدللي
قالت ابيك تصارح اهلي بحبك
قلت طيب
وقالت خلاص يلا تعال
واقول لا خليني ابدا برامي شوفيه برا بقوله
قالت اوكي
واروح انا الدلخ واقول ميد رامي
ويجي رامي وقال عن جد ببتكلم قلت ايه منتب معصب قال لا ليه اعصب
قال بس بعطيك شي
قلت وشو
ويجيني ذاك البقس الي خلاني انسى اسم امي
ويصكني براس الي خلاني معاد افرق بينه وبين سميره
ويقول ميدي
اسمع وحيد
لو اشوفك مره تانيه عند باب بيتنا والله لتندم
واقوم انا وافرك لامي واعلمها وتقول بكلمهم
ويجي اليوم الثاني والا سميره جايه مع اخوها وانا الطجمه اول ماشفت اخوها سكيت الباب وانحشت
وطلع كانت تبي تخلي اخوها يعتذر
واجيك انا واتحسف وابتسي
وهذي قصة حبي
ان شاء الله اعجبتكم
وانتظر ردودكم
الأربعاء أبريل 02, 2008 6:55 am
